ალტერნატივა ჯორჯია

პრეზიდენტის ბრძანებულება

admin — Tue, 10 Jan 2012 11:16:08 +0000

2011 წლის 22 დეკემბერს საქართველოს პრეზიდენტმა გამოსცა ბრძანებულება ნარკომანიის წინააღმდეგ ბრძოლის უწყებათაშორისორისი საკოორდინაციო საბჭოს შემადგენლობის და დებულების დამტკიცების შესახებ.

იხილეთ ბრძანებულება

აივ/შიდსის და ზიანის შემცირების სფეროში მომუშავე ორგანიზაციების მიმართვა 1 დეკემბერს

admin — Tue, 06 Dec 2011 10:13:02 +0000

აივ/შიდსის და ნარკოტიკების მოხმარებით გამოწვეული ზიანის შემცირების სფეროში მომუშავე ორგანიზაციების მიმართვა საქართველოს პრეზიდენტისადმი და პარლამენტის თავჯდომარისადმი დაიბეჭდა “24 საათში” 1 დეკემბერს, შიდსთან ბრძოლის საერთაშორისო დღესთან დაკავშირებით.

იხილეთ მიმართვა

http://24saati.ge/index.php/category/news/2011-12-01/22481.html

ადიქტოლოგიის ტრენერთა ტრენინგი თბილისში, 14-19 ნოემბერი

admin — Tue, 06 Dec 2011 10:00:53 +0000

ჩეხეთის განვითარების ფონდისა და ფონდ ღია საზოგადოება-ს მხარდაჭერით თბილისში ამა წლის 14-19 ნოემბერს ილია ჭავჭავაძის სახელობის სახელმწიფო უნივერსტეტში გაიმართა მორიგი ტრენერთა ტრენინგი ადიქტოლოგიაში. ტრენინგის მიზანი იყო ქართველ მონაწილეთა ტრენერებად მომზადება ადიქტოლოგიის სასწავლო კურსებისთვის. სწავლება 2 პარალელურ სესიად მიმდინარეობდა, სადაც გამოჩენილმა ჩეხმა ექსპერტებმა თავიანთი გამოცდილება გაუზიარეს ქართველ მონაწილეებს შემდეგ საკითხებზე: პრევენცია, მკურნალობა ზიანის შემცირება, ეპიდემიოლოგია, ნარკო-ეკონომიკა და ნარკოპოლიტიკა. აღნიშნულ ტრენინგს ესწრებოდნენ დარგში მომუშავე სამთავრობო და არასამთავრობო სექტორის, ისევე როგორც უნივერსტეტების წარმომადგენლები. აღნიშნული ტრენინგი წარმოადგენს წინა წელს ჩამოყალიბებული თანამშრომლობის გაგრძელებას პრაღის ჩარლზის უნივერსტეტს, ალტერნატივა ჯორჯიას და 3 უნივერსტეტს (ბათუმის სახელმწიფო უნივერსტეტი, ილიას სახელმწიფო უნივერსტეტი და IB – ევრო კავკასიური უნივერსტეტი) შორის, რომელიც მიზნად ისახავს ადიქტოლოგიის დარგში სასწავლო პროგრამის დანერგვას საქართველოში.

მორიგი შეხვედრა ქართველი პროკურორებისთვის

admin — Tue, 06 Dec 2011 09:45:11 +0000

ამა წლის 21 ოქტომბერს, სასტუმრო “Radisson”-ში გაიმართა მორიგი შეხვედრა საქართველოს პროკურატურის წარმომადგენლებისათვის. აღნიშნული შეხვედრა წარმოადგენს პროექტის – “ჰუმანურობა პირველ რიგში” ფარგლებში გამართული შეხვედრების სერიის გაგრძელებას. შეხვედრაზე მოწვეული იყო პროკურორთა საერთაშორისო ასოციაციის გენერალური მდივანი, ბ-ნ დერკ კუიპერსი, რომელმაც ქართველ კოლეგებს გაუზიარა თავისი გამოცდილება დისკრეციული უფლებამოსილების გამოყენების თავისებურებებთან დაკავშირებით და ჰოლანდიის ნარკო კანონმდებლობასა და სიტუაციაზე ისაუბრა. შეხვედრას საქართველოს პროკურატურის 15 წარმომადგენელი ესწრებოდა, რომლებმაც თავიანთი ყოველდღიური საქმიანობის სპეციფიკაზე და საქართველოს ნარკო კანონმდებლობის თავისებურებებზე ისაუბრეს.

ფოტო-კონკურსი

admin — Wed, 02 Nov 2011 11:50:32 +0000

არასამთავრობო ორგანიზაცია ალტერნატივა ჯორჯია, ფონდ “ღია საზოგადოება – საქართველოს” მხარდაჭერით აცხადებს ფოტო-კონკურსს თემაზე:

ნარკოტიკების მოხმარება – სოციალური და ჯანდაცვის პრობლემა (ვგულისხმობთ, რომ ნარკოტიკული საშუალების მოხმარება ნაკლებად არის დანაშაული და რომ ის უფრო ადამიანის ჯანმრთელობას უკავშირდება და რომ მოხმარება ზოგადად საზოგადოების პრობლემაცაა. მაგალითად ფოტო შესაძლოა ასახავდეს მომხმარებელს რომელსაც ისევე უყვარს, სტკივა, უხარია როგორც არამომხმარებელს. სასურველია ფოტოში ნაკლებად ან საერთოდ არ იყოს გამოყენებული ნემსი/შპრიცი, ვენაში გაკეთების პროცესი და სხვა).

კონკურსში მონაწილეობის მიღება შეუძლია ნებისმიერ მსურველს, რომლის მიერ გადაღებული ფოტოსურათიც შეესაბამება კონკურსის თემატიკას. კომპეტენტური ჟიური საუკეთესო ნამუშევრებს შეარჩევს. შერჩეული ნამუშევრები გამოიფინება და მათგან გამოვლინდება საპრიზო ადგილზე გასული ფოტოები.

პირველ სამ ადგილზე გასული საუკეთესო ფოტო-ნამუშევრის ავტორები დაჯილდოვდებიან შემდეგი ფულადი პრემიებით:

I ადგილი – 900 ლარი

II ადგილი – 700 ლარი

III ადგილი – 500 ლარი

ორგანიზაცია იტოვებს უფლებას, ფოტოსურათები საკუთარი შეხედულებისამებრ გამოიყენოს (ავტორის მითითებით); საპრიზო ადგილებზე გასული ნამუშევრებისგან შესაძლოა დამზადდეს პოსტერი, რომელიც ქვეყნის მასშტაბით გავრცელდება.

საკონკურსოდ შესაძლებელია როგორც ციფრული, ასევე ფირით გადაღებული ფოტოს გამოგზავნა, მობილური ტელეფონით გადაღებული სურათის გარდა. გთხოვთ ნუ გამოგზავნით სხვადასხვა საძიებო საიტებიდან ამოღებულ სურათებს.

ფოტოსურათები გამოგზავნეთ ელექტრონულ მისამართზე natia@altgeorgia.ge შემდეგი ფორმატით: შეინახეთ ფოტო JPG ფორმატში, 150-300 რეზოლუციით (ისე, რომ შესაძლებელი იყოს მისი A2 ფორმატზე დაბეჭდვა);

გამოგზავნისას მიუთითეთ თქვენი სახელი/გვარი და საკონტაქტო ტელეფონი.

დამატებითი ინფორმაციისთვის დაგვიკავშირდით: 239 66 99.

ნამუშევრების მიღების ბოლო ვადაა 2011 წლის 15 ნოემბერი

ნარკოპოლიტიკის საერთაშორისო შეხვედრა გაიმართა თბილისში 16 სექტემბერს

admin — Mon, 19 Sep 2011 08:09:16 +0000

16 სექტემბერს ნარკოპოლიტიკის საერთაშორისო შეხვედრა გაიმართა, რომელსაც სამთავრობო და არასამთავრობო, ასევე საერთაშორისო ორგანიზაციების წარმომადგენლები და ექსპერტები დაესწრნენ. შეხვედრა ჩატარდა “ალტერნატივა ჯორჯიას”, საინფორმაციო-სამედიცინო ცენტრ “თანადგომას” და “მეინლაინ ფაუნდეიშენის” მიერ პროექტის “ჰუმანურობა პირველ რიგში” ფარგლებში, რომელიც ჰოლანდიის საგარეო საქმეთა სამინისტროს ფინანსური მხარდაჭერით ხორციელდება.
შეხვედრაზე განიხილეს პორტუგალიისა და დიდი ბრიტანეთის გამოცდილება ნარკოპოლიტიკის რეფორმის დარგში და საქართველოს ნარკოპოლიტიკის სამომავლო განვითარების შესაძლო მიმართულებები.

საქართველოში 28 ივლისს ც ჰეპატიტის საერთაშორისო დღე აღინიშნა

admin — Mon, 15 Aug 2011 12:44:27 +0000

იცოდე! შეცვალე! დაიცავი! – ამ მოწოდებებით 28 ივლისს ც
ჰეპატიტის საერთაშორისო დღე ფონდ “ღია საზოგადოება- საქართველოს” და “მსოფლიო ექიმების” მხარდაჭერით “ზიანის შემცირების საქართველოს ქსელმა” და კოალიციამ- ადამიანის უფლებები ჯანდაცვის სფეროში” აღნიშნეს.
ც ჰეპატიტის დღისადმი მიზღვნილი კამპანია მიზნად ისახავდა ც
ჰეპატიტის საკითხებზე საზოგადოების ინფორმირებულობის გაზრდას და სახელმწიფო პოლიტიკის ფორმირების ხელშეწყობას.
მრგვალი მაგიდა და აქციები ერთდროულად ბათუმში, ზუგდიდში, გორსა და თბილისში მიმდინარეობდა. ასევე მსურველებს საშუალება მიეცათ ხელი მოეწერათ პეტიციისთვის.

ზიანის შემცირების საზაფხულო სკოლა გაიმართა გრიგოლეთში 2-10 ივლისს

admin — Mon, 15 Aug 2011 12:01:13 +0000

ფონდი “ღია საზოგადოება-საქართველოს” ჯანდაცვის პროგრამის ორგანიზებით ზიანის შემცირების სფეროში მოღვაწე ორგანიზაციებისთვის და აქტივისტებისთვის გაიმართა საზაფხულო სკოლა 2-10 ივლისს გრიგოლეთში.
საზაფხულო სკოლა მიზნად ისახვდა, რომ მონაწილეებს გაეღრმავებინათ ცოდნა ადვოკაციის სტრატეგიის დაგეგმვისა და განხორციელების, ადვოკაციისათვის მედია ტექნოლოგიების გამოყენების, ფონდების მოძიების, მოწყვლადი და მარგინალური ჯგუფების ინტერესების დაცვის საკითხებზე.
სახაფხულო სკოლა მოიცავდა შემდეგ თემებს: ნარკოპოლიტიკა და ადვოკატირება, ჩანაცვლებითი თერაპიის წარმატებები და ხარვეზები, ზედოზირებასთან დაკავშირებული პრობლემები, ზიანის შემცირების პროგრამებში ქალ ნარკომომხმარებელთა სპეციფიკის გათვალისწინება და უფლებების დაცვა.

ნარკოვითარება საქართველოში 2010

admin — Thu, 07 Jul 2011 06:49:36 +0000

დამოკიდებულების კვლევითი ცენტრის ალტერნატივა ჯორჯიას, ფონდ გლობალური ინიციატივა ფსიქიატრიაში და დაავადებათა კონტროლისა და საზოგადოებრივი ჯანმრთელობის ეროვნული ცენტრის ერთობლივი მუშაობის შედეგად, მომზადდა და 2001 წლის 1 ივლისს გამოქვეყნდა ანგარიში – ნარკოვითარება საქართველოში 2010.

იხილეთ ბმული: drug situation 2010.ge

საქართველოში აივ პრევენციის პროექტი

admin — Tue, 05 Jul 2011 06:19:02 +0000

ნარკოპოლიტიკის გზამკვლევი: საქართველოში ნარკოპოლიტიკის ალტერნატივები მომზადებულია( USAID/საქართველოსთვის (აშშ საერთაშორისო განვითარების სააგენტო) RTI საერთაშორისოს და ერიკ კარლინის მიერ

Georgian_ GHPP_Georgia Drug Policy Report