1992 წელს დაასრულა თბილსის სახელმწიფო სამედიცინო უნივერსიტეტი და მიიღო ფსიქიატრის კვალიფიკაცია. ათი წლის მანძილზე მუშაობდა ექიმ-ნარკოლოგად ნარკოლოგიურ კლინიკაში. 2003-2004 წლებში სწავლობდა წამალდამოკიდებულების კვლევის მეთოდებს ჯონს ჰოპკინსის უნივერსიტეტში (ბალტიმორი, აშშ). 2014 წელს დაიცვა დოქტორის ხარისი ჯანმრთელობის ფსიქოლოგიაში პრაღის კარლოვის უნივერსიტეტში. იგი არის ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტის ასოცირებული პროფესორი ჯანდაცვის მიმართულერბით. ბოლო წლებში მისი საქმიანობის ძირითადი მიმართულება არის წამალდამოკიდებულების პრობლემის კვლევა, დარგის სპეციალისტებისათვის სასწავლო პროგრამების შემუშავება და მიწოდება. აქტიურად არის ჩართული პოლიტიკის ცვლილების საადვოკაციო საქმიანობაში და საქართველოს პარლამენტში არის ლობისტი. საქართველოს ნარკომანიასთან ბრძოლის უწყებათასორისი საბჭოს წევრია, სადაც წარმოადგენს არასამთავრობო სექტორს.

ექიმი, საზოგადოებრივი ჯანდაცვის დოქტორი – 2006 წელს დაამთავრა თბილისის სახელმწიფო სამედიცინო აკადემია და მიიღო ფსიქიატრის კვალიფიკაცია. 2005-2008 წლებში ერაზმუსის (Erasmus MC, როტერდამი) და ამსტერდამის უნივერსიტეტებში სწავლობდა საზოგადოებრივი ჯანდაცვის, წამალდამოკიდებულების რაოდენობრივ და თვისებრივ კვლევებს. 2018 წელს დაამთავრა ილიას სახელმწიფო უნივერსიტეტის დოქტორანტურა და მიიღო საზოგადოებრივი ჯანდაცვის დოქტორის ხარისხი. აქვს ნივთიერებებზე დამოკიდებულების დარგში კლინიკური (რანდომიზაცია კონტროლით), ეპიდემიოლოგიური და ქცევითი კვლევების წარმოების მრავალწლიანი გამოცდილება. არის ოცზე მეტი პუბლიკაციის ავტორი და ან თანაავტორი. აქვს ნარკოტიკების ინექციური მომხმარებლებისთვის აივ/შიდსის, ჰეპატიტსებისა და სხვა სისხლით გადამდები დაავადებების პრევენციული პროგრამების – დაგეგმვის, იმპლემენტაციისა და შეფასების გამოცდილება. აქტიურ მონაწილეობას იღებს საერთაშორისო კონსულტაციებში, რომელთა მიზანიც არის აივ-ინფექციის პრევენცია-მკურნალობა-მოვლის პროგრამების ეფექტიანობის შესწავლა ევროპისა და ცენტრალური აზიის მასშტაბით. კვლევითი ინტერესის სფეროა წამალდამოკიდებულების პრევენცია, მკურნალობისა და მოვლის ინტერვენციათა ეფექტიანობის შესწავლა გენდერულ ჭრილში. ასევე ახალი ფსიქოაქტიური ნივთიერებების მოხმარების და მასთან დაკავშირებული ჯანმრთელობის რისკების და პოტენციური ზიანის შემცირების ინტერვენციების შემუშავების შესწავლა.

მზია ტაბატაძემ 1986 წელს დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი. 2001-2003 წელს სწავლობდა ბერკლის უნივერსიტეტში (კალიფორნია, აშშ) და მოიპოვა მაგისტრის წოდება საზოგადოებრივ ჯანდაცვაში. ამჟამად არის ილიას სახელმწიფო უნივერსიტეტის ბიზნესის სკოლის დოქტორანტი. მზია ტაბატაძეს გააჩნია ჯანდაცვის პოლიტიკის და მართვის საკითხებზე მუშაობის 20 წლიანი გამოცდილება. იგი აქტიურად არის ჩართული კვლევების განხორციელებაში, მათ შორის ქცევაზე ზედამხედველობის კვლევებში როგორც ზოგად მოსახლეობაში, ასევე აივ ინფექციის მიმართ მოწყვლად პოპულაციებში. მზია ტაბატაძეს განხორციელებული აქვს პროგრამების შეფასების და და მათი მდგრადობის შეფასების კვლევები სხვადასხვა ქვეყანაში.

2016 წელს დაასრულა ილიას სახელმწიფო უნივერსიტეტის ფსიქოლოგიის ფაკულტეტი, 2018 წელს კი ილიას სახელმწიფო უნივერსიტეტის ადიქციის კვლევების სამაგისტრო პროგრამა. მაგისტრატურაზე სწავლის პერიოდში დაიწყო მუშაობა კვლევის ასისტენტად დამოკიდებულების კვლევით ცენტრ ალტერნატივა ჯორჯიაში. თამარი არის საქართველოს ადიქტოლოგთა ასოციაციის წევრი. 2018 წლიდან ის საქართველოს ნარკოვითარების ყოველწლიური ანგარიშის თანაავტორია. მისი ინტერესის სფერო მოიცავს ახალ ფსიქოაქტიური ნივთიერებებს (აფნ), კლუბურ კონტექსტში და ქალების მიერ ნარკოტიკული საშუალებების მოხმარებას.

2013 წელს დაასრულა საქართველოს ტენიკური უნივერსიტეტის ბიზნეს ინჟინერინგის ფაკულტეტი, სპეციალობით სამართალმცოდნეობა. 2015 წლიდან არის თბილისის თავისუფალი უნივერსიტეტის ბიზნეს სამართლის ფაკულტეტის (LLM) მაგისტრანტი. 2012 წლიდან უწევს კოორდინირებას და მენეჯმენტს ალტერნატივა ჯორჯიას სამეცნიერო და საადვოკაციო პროექტებს.

მარიამ შეროზიამ 2020 წელს დაასრულა ილია სახელმწიფო უნივერსიტეტი ბაკალავრის ხარისხით ფსიქოლოგიაში, ხოლო 2022 წელს აიღო მაგისტრის ხარისხი ადიქციის კვლევებში. 2022 წლიდან მკვლევარ ასისტენტად დაიწყო მუშაობა დამოკიდებულების კვლევით ცენტრ ალტერნატივა ჯორჯიაში. 2022 წელს ბიზნესისა და ტექნოლოგიების უნივერსიტეტში გაიარა 6 თვიანი კურსი ციფრული მარკეტინგის მიმართულებით და ამავე პერიოდიდან მართავს ალტერნატივა ჯორჯიას ფეისბუქ გვერდს. ასევე არის www.cpr.ge ვებ გვერდის სოც მედია/ქონთენთ მენეჯერი. 2022 წელს მარიამი იყო მკვლევარი ასისტენტი EMCDDA-ის მიერ დაფინანსებულ ზოგადი მოსახლეობის კვლევაში ფსიქოაქტიური ნივთიერებების მოხმარების შესახებ. 2023 წლიდან იგი არის ადიქტოლოგთა ასოციაციის წევრი. მისი ინტერესის სფერო მოიცავს ნარკოტიკების მოხმარებას ემიგრანტებში, ზიანის შემცირებას, ახალ ინტერვენციებს, პრევენციას და სხვა.