პროექტები
ალტერნატივა ჯორჯია და აპლიკაცია Adiquit დამეგობრდნენ
იანვარი 08, 2024 - მიმდინარეალტერნატივა ჯორჯია და აპლიკაცია Adiquit დამეგობრდნენ, რათა დახმარება გავუწიოთ იმ ადამიანებს, რომლებსაც სურთ სიგარეტის მოწევას თავი დაანებონ. Adiquit არის ელ-ჯანმრთელობის ინოვაციურ მიდგომებს შორის ლიდერი. გაეროს განვითარების პროგრამის (UNDP) მიერ დაფინანსებული ინიციატივა იყენებს Adiquit სისტემას, ხელოვნური ინტელექტის მიერ მხარდაჭერილ აპლიკაციას, რომელიც შექმნილია, რათა სიგარეტის მწეველებს შესთავაზოს ინდივიდუალურ საჭიროებებზე მორგებული დახმარება.
აპლიკაცია სპეციალიზირებულია დამოკიდებულებისა და ფსიქიკური ჯანმრთელობისთვის ციფრული გადაწყვეტილებების შექმნაზე, სთავაზობს ინსტრუმენტებს, როგორიცაა Adiquit აპლიკაცია, რათა დაეხმაროს ინდივიდებს მოწევის შეწყვეტის გზაზე.
დამატებითი ინფორმაციისთვის და იმისათვის, რომ გავაერთიანოთ ჩვენი ძალისხმევა უფრო ჯანსაღი საქართველოს შესაქმნელად, ეწვიეთ https://www.adiquit.cz/en/home/
პროექტს „ისუნთქე საქართველო: მოწევის შეწყვეტის ციფრული ტრანსფორმაცია Adiquit-ით“ ახორციელებს გაეროს განვითარების პროგრამა (UNDP) ჩეხეთის რესპუბლიკის საგარეო საქმეთა სამინისტროს ფინანსური მხარდაჭერით.
პროექტის მნიშვნელოვანი პუნქტები:
ინოვაციური მიდგომა: ხელოვნური ინტელექტისა და ქცევითი მეცნიერების გამოყენებით, Adiquit აპლიკაცია აწვდის მომხმარებლებს პერსონალიზებულ გეგმას, რათა დაეხმაროს მომხმარებლებს მოწევისთვის თავის დანებებაში, რაც მნიშვნელოვნად აძლიერებს ეფექტურობას ტრადიციულ მეთოდებთან შედარებით.
სტრატეგიული პარტნიორობა: Adiquit და ალტერნატივა ჯორჯია ახდენს სისტემის ადაპტირებას საქართველოს კონტექსტზე. აპლიკაცია გადაითარგმნა ქართულ ენაზე და მოერგო ქართულ კულტურას.
სრულყოფილი იმპლემენტაცია: პროექტი მოიცავს თავდაპირველ დაგეგმვას, მონაწილეთა რეკრუტირებას, უწყვეტ მონიტორინგს და მონაცემთა დეტალურ ანალიზს სისტემის გავლენის შესაფასებლად საქართველოში.
მომხმარებლების ჩართულობა: ფართო ცნობიერების კამპანიისა და დაინტერესებული მხარეების ჩართულობის მეშვეობით, პროექტი მიზნად ისახავს ფართო აუდიტორიის მიღწევას, ფართო მონაწილეობისა და მხარდაჭერის წახალისებას.
მდგრადობა: მდგრადი განვითარების მიზნებთან ერთად, ეს ინიციატივა მიზნად ისახავს მოწევის მაჩვენებლის შემცირებას, საზოგადოებრივი ჯანმრთელობის გაუმჯობესებას და საქართველოს ეკონომიკურ განვითარებას.
#CzechUNDP #CzechChallengeFund #Czech #CzechRepublic
ოპიოიდებით ჩანაცვლებითი მკურნალობის ხელმისაწვდომობა საქართველოს პენიტენციურ სისტემაში: არსებული გამოწვევების და ბარიერების შესწავლა
ივლისი 01, 2019 - იანვარი 31, 2020ოპიოიდებით ჩანაცვლებითი თერაპია (ოჩთ) ოპიოიდებზე დამოკიდებულების მკურნალობის ერთ-ერთი ყველაზე ეფექტური მიდგომაა. მიუხედავად იმისა, რომ ოჩთ-ს დაფარვა სამოქალაქო სექტორში იზრდება, სასჯელაღსრულების სისტემაში ამ მკურნალობის ხელმისაწვდომობა მკაცრად შეზღუდულია - იგი ხელმისაწვდომია მხოლოდ ორ საპატიმრო დაწესებულებაში და შეთავაზებულია მხოლოდ მოკლე დეტოქსიკაციური კურსის სახით, რომელიც მაქსიმუმ 3-5 თვე გრძელდება. პროექტის მიზანია იმ ბარიერები შესწავლა, რომელიც არსებობს პენიტენციურ სისტემაში ოჩთ-ს სრულფასოვნად დანერგვის თვალსაზრისით. ბარიერების კვლევა მოხდება ოპიოიდებით დეტოქსიკაციის პროგრამის ყოფილი ბენეფიციარების გამოცდილებისა და დარგში მომუშავე სპეციალისტების საექსპერტო მოსაზრებების შესწავლის გზით. ასევე, გაანალიზდება საერთაშორისო სტანდარტები, რეკომენდაციები და საქართველოს მარეგულირებელ ჩარჩო, რომელთა საფუძველზე შემუშავდება რეკომენდაციები ოჩთ მკურნალობის ხელმისაწვდომობის უზრუნველსაყოფად პენიტენციურ სისტემაში. პროექტის ხანგრძლივობაა 7 თვე და დაფინანსებულია კონსულტაციისა და ტრენინგის ცენტრის მიერ.
საინექციო ინსტრუმენტების გამცემი მექანიკური აპარატის (სიგმა) კვლევა
აპრილი 02, 2018 - მიმდინარესაინექციო ინსტრუმენტების გამცემი მექანიკური ავტომატების (სიგმა) კვლევას ახორციელებს დამოკიდებულების კვლევითი ცენტრი „ალტერნატივა ჯორჯია“ დაავადებათა კონტროლისა და საზოგადოებრივი ჯანმრთელობის ეროვნულ ცენტრთან და ზიანის შემცირების საქართველოს ქსელთან პარტნიორობით.
კვლევის მიზანია საქართველოში ზიანის შემცირების ერთ-ერთი ახალი სერვისის, საინექციო ინსტრუმენტების გამცემი მექანიკური ავტომატების (სიგმა) დანერგვა. სიგმას ინსტალაციის მიზანია, რომ სტერილური საინექციო ინსტრუმენტები ხელმისაწვდომი გახდეს ყველასთვის, ვინც სხვადასხვა მიზეზის გამო ვერ ახერხებს მათ მიღებას შნპ-ცენტრებიდან ან სხვა წყაროდან, ან არ აქვთ საინექციო ინსტრუმენტების მიღების მიზნით კონტაქტების დამყარების სურვილი.
პროექტის ფარგლებში საინექციო ინსტრუმენტების გამცემი მექანიკური ავტომატი (სიგმა) განთავსდება თბილისსა და რუსთავში შერჩეულ 10 ლოკაციაზე და ავტომატები იმუშავებს 24/7 უწყვეტ რეჟიმში. ნარკოტიკების მომხმარებელი პირებისთვის შესაძლებელი იქნება სტერილური საინექციო აღჭურვილობის, კონდომების, ნალოქსონის, ზედოზირების რისკის შემცირებისა და ჯანმრთელობასთან დაკავშირებული სხვა სახის საინფორმაციო ბროშურების, ასევე, სამკურნალო და საკონსულტაციო დაწესებულებების საკონტაქტო ინფორმაციის მიღება.
პროექტი დაფინანსებულია 5% ინიციატივა საფრანგეთის და თანადაფინანსებულია გლობალური ფონდის მიერ.
COVID-19 პანდემიის ზეგავლენა არალეგალური ნარკოტიკების ბაზარსა და მომხმარებელთა ქცევაზე
აპრილი 01, 2020 - მიმდინარეზიანის შემცირების პროგრამებსა და ნარკოტიკების მომხმარებელთა თემში მხოლოდ ფრაგმენტული ინფორმაცია მოიპოვება იმის შესახებ, თუ რა ზეგავლენა მოახდინა COVID-19 პანდემიამ არალეგალური ნარკოტიკების ბაზარსა და მომხმარებელთა ქცევაზე. ჩვენი ჰიპოთეზაა, რომ პანდემია გავლენას მოახდენს არალეგალური ნარკოტიკების ბაზარზე (ონლაინ ბაზრის ჩათვლით) - ფასის, ხელმისაწვდომობის, ხარისხისა და მათი მოპოვების გზების მხრივ. ჩვენი მიზანია, აღვწეროთ და შევაფასოთ ნარკოტიკების მოხმარებასთან დაკავშირებული ქცევითი ცვლილებები ნარკოტიკების რეგულარულ მომხმარებლებში. მოცემული კვლევა ტარდება საქართველოსა და უკრაინაში.
კვლევაში მონაწილეობას იღებს ნარკოტიკის 50 რეგულარული მომხმარებელი თითოეული ქვეყნისთვის (ჯამში - 100 მონაწილე), რომლებიც ავსებენ ონლაინ სტრუქტურირებულ კითხვარს 2 კვირაში ერთხელ 6 თვის განმავლობაში, ხოლო თვისებრივი ინტერვიუები უტარდება იმავე რესპონდენტებს 3 თვეში ერთხელ. გარდა ამისა, ტარდება თვისებრივი ინტერვიუები დარგის ექსპერტებთან თვეში ერთხელ. ასევე, ვაწარმოებთ ნარკოტიკების ონლაინ ბაზრის მონიტორინგს.
პროექტი დაფინანსებულია ევროპის ნარკოტიკებისა და წამალდამოკიდებულებისა მონიტორინგის ცენტრის მიერ.
მართლწესრიგის ოფიცრები და ნარკოტიკების მოხმარებით გამოწვეული საზიანო შედეგების შემცირება
იანვარი 08, 2019 - მიმდინარეპროექტი ხორციელდება დამოკიდებულების კვლევითი ცენტრის „ალტერნატივა ჯორჯია“-ს მიერ, რომლის მიზანია მართლწესრიგის ოფიცრების ცოდნის და უნარების ამაღლება ნარკოტიკული ნივთიერებების მოხმარების საკითხებთან მიმართებაში.
პროექტის მიზანია მართლწესრიგის ოფიცრების ცოდნის და უნარების ამაღლება ნარკოტიკების მოხმარების საკითხთან მიმართებაში.
ამოცანები:
• ნარკოტიკების მოხმარების პრობლემასთან მიმართებაში მართლწესრიგის ოფიცრების საჭიროებების გამოკვლევა
• სასწავლო პროგრამის შემუშავება, რომელიც:
• უზრუნველყოფს ოფიცრების მიერ წამალმოხმარების პრევენციის, მოხმარებასთან დაკავშირებული რისკებისა და საზიანო შედეგების შესახებ ცოდნის შეძენას (რა ნივთიერებები, მოხმარების დაწყების სარისკო ფაქტორები, დოზის გადაჭარბების რისკები, სხვა ზიანი);
• დაეხმარება ოფიცრებს სარისკო ქცევის მოზარდების იდენტიფიცირებაში და ადრეულ ეტაპზე პრევენციული ჩარევის განხორციელებაში (გადამისამართება, მშობლებთან ერთობლივი ჩარევა)
• დაეხმარება ოფიცრებს ნარკოტიკების მოხმარების პრობლემის მქონე ადამიანები გადაამისამართონ შესაბამის დაწესებულებაში დახმარების მისაღებად (საკონსულტაციო, სამკურნალო, ზიანის შემცირების სერვისები)
• სასწავლო ვიზიტი აშშ-ში რათა მოხდეს ამერიკელი პოლიციელების გამოცდილების გაცნობა (თუ როგორ მუშაობენ მოსახლეობასთან ნარკოტიკების პრობლემის გადასაჭრელად)
• პოლიციის აკადემიის კურიკულუმში მომზადებული სასწავლო კურსის შეტანა და ამოქმედება.